正 麻辣·茶·雲吞 (Closed)

唔好睇佢舖頭細細，試過都有驚喜！環境方面:雖然地方唔大，但都唔算太逼，而且好乾淨。食物方面:川味口水雞絲:份量夠多，雞肉夠滑，鹹味適中👍🏼糖心雞蛋:蛋黃做到流心效果，連蛋白都唔會太實！涼拌雲耳:酸味唔會太勁，唔錯！麻辣撈雲吞:雲吞食落皮唔厚，而且啖啖肉！加埋少少蝦米，食落口感又唔同咗👍🏼正牌米線:湯底唔鹹，份量都算多！本身已經有墨丸，雞扒，雲吞，仲有得另加其他料。山楂洛神花茶+羅漢果茶味道都唔會太淡，食完啲辣野飲啖中和一吓，good!!總結:主打辣嘅野食最緊要係唔會太鹹，價錢唔貴，份量又夠多，而且好食！