Video
Read full review
2022-05-12
305 views
長沙灣興華街地舖一間以露營風為主題嘅串燒店，門口牆上貼滿各式各樣洒嘅貼紙，門牌就以簡單一塊木牌寫住店名，店舖面積唔大，有三張四人枱，兩張二人吧枱，枱櫈就係露營風設計，每張枱上面就放住一張露營用既燈，非常型格👍🏻店主係一個好有禮貌嘅後生仔，全晚我都見佢只係一個人做嘢，我估店舖係屬於小本經營，概念係希望露營都可以食到高質素嘅嘢食👍🏻👍🏻🦆▪️口水鵝腸 $ 48必食推介，麻辣汁超級惹味，鵝腸少少肥，入味爽脆，我老細唔係好食得辣佢都覺得好好味，我哋食完一點再encore左多一碟🤫🦪▪️鹽燒廣島蠔 $ 88廣島蠔燒到外脆裏面好Juicy ，一咬落去完全爆汁，調味剛剛好，好鮮味🐮▪️串▪️燒肉拼盤 $ 188和牛頸脊。牛小排。牛舌芯。和牛板腱好高質素嘅牛肉拼盤，燒至生熟程度剛剛好，只需要加少少黑椒海鹽檸檬汁調味，已經非常好食🐷▪️西班牙黑豚腩 $ 28豬腩肉半肥瘦，肉質帶爽脆，應該係用咗麵豉醬嚟調味，醬汁好好食🐔▪️辣味炸雞 $ 38炸雞有少少麻辣味道，外層爆脆，肉質嫩滑，送啤酒一流🐥▪️冬陰功雞串 $ 22未食已經聞到好香冬陰功味，配雞肉幾好食🐥▪️沙喱雞串 $ 22店舖推介沙嗲咖喱醬嘅雞肉串燒，兩種醬汁配合得
長沙灣興華街地舖一間以露營風為主題嘅串燒店，門口牆上貼滿各式各樣洒嘅貼紙，門牌就以簡單一塊木牌寫住店名，店舖面積唔大，有三張四人枱，兩張二人吧枱，枱櫈就係露營風設計，每張枱上面就放住一張露營用既燈，非常型格👍🏻
店主係一個好有禮貌嘅後生仔，全晚我都見佢只係一個人做嘢，我估店舖係屬於小本經營，概念係希望露營都可以食到高質素嘅嘢食👍🏻👍🏻
🦆▪️口水鵝腸 $ 48
必食推介，麻辣汁超級惹味，鵝腸少少肥，入味爽脆，我老細唔係好食得辣佢都覺得好好味，我哋食完一點再encore左多一碟🤫
🦪▪️鹽燒廣島蠔 $ 88
廣島蠔燒到外脆裏面好Juicy ，一咬落去完全爆汁，調味剛剛好，好鮮味
🐮▪️串▪️燒肉拼盤 $ 188
和牛頸脊。牛小排。牛舌芯。和牛板腱
好高質素嘅牛肉拼盤，燒至生熟程度剛剛好，只需要加少少黑椒海鹽檸檬汁調味，已經非常好食
🐷▪️西班牙黑豚腩 $ 28
豬腩肉半肥瘦，肉質帶爽脆，應該係用咗麵豉醬嚟調味，醬汁好好食
🐔▪️辣味炸雞 $ 38
炸雞有少少麻辣味道，外層爆脆，肉質嫩滑，送啤酒一流
🐥▪️冬陰功雞串 $ 22
未食已經聞到好香冬陰功味，配雞肉幾好食
🐥▪️沙喱雞串 $ 22
店舖推介沙嗲咖喱醬嘅雞肉串燒，兩種醬汁配合得非常之好，少少微辣帶花生香，好好食
🐥▪️大蔥雞肉串 $ 28
醬汁甜甜有點像麵豉醬嘅味道，配上大蔥雞肉，雞肉好滑好入味，正
🐥▪️燒雞肝 $ 22
雞肝外層有少少焦燶，內裏好淋滑，傳統日式雞肝既口感
🐥▪️燒雞翼 $ 22
燒雞翼係用香茅醬料醃製，燒得幾好，雞皮外層脆脆，好入味
🥪▪️芝士豬肝醬多士 $28
估佢唔到咁好食，多士即烘，塊面包唔知咩構造好好食，配上自家製嘅豬肝醬好似鵝肝醬，好濃味好正，加左溶化嘅芝士更加不得了
🍜▪️厚切餐肉蛋麻辣撈丁 $ 58
全晚最精彩竟然係呢碗撈麵，喺屋企自己都唔會食，去到呢度店主竟然話係一定要食，面質爽口彈牙，午餐肉好厚身煎到外脆內軟，雞蛋就係流心蛋黃，最正係佢嘅麻辣醬，所有材料一齊食，意想不到咁好食，一碗咁基本嘅面可以整得咁用心，所以話佢嘅概念就係露營都可以食到好嘢，我相信係真嘅😋😋😋
🍺▪️白啤 $ 58
啤酒係食串燒必須的，白啤清涼解渴，食下講吓不知不覺又飲咗幾杯🤭
✨一定會再幫襯既小店，後生仔對食物有熱誠，用心做食物，所以整得好好食，一個人一腳踢經營，支持支持✨
Post
