醉標無骨海南雞 (Closed)

喺長沙灣見到呢間街坊小店，小食都好平，買返屋企家吓餸先！雖然間嘢係賣雞，但試吓啲小食先😂🍴 涼拌青瓜 $12 (7/10)青瓜爽口，酸酸辣辣，鹹鹹地，好清新！🍴 涼拌皮蛋 $18 (6/10)皮蛋嘅蛋黃係黃色仲要流心㗎，都幾特別！食落辣辣地都幾過癮，有好大浸皮蛋鉛味。🍴泰式無骨鳳爪 $28 (6/10)無骨鳳爪酸酸辣辣，唔知點解鹹鹹地？有蕃茄同埋芫荽，非常爽口爽脆，有啲泰式風味。🍴楊枝甘露 $26 (7/10)比較偏甜少少，都幾足料，幾唔錯㗎。推薦指數: 6.8/10呢個價錢都唔錯嘅，真係比較平同埋抵食，味道就正正常常！