燒味滷師 (安發大廈)

Open Now

Now Closed

三朝回門，通常都要帶乳豬回娘家。不過我屋企人比較貪新鮮多款，所以與其買一大隻乳豬，我哋決定買幾款燒味返屋企回門。長沙灣呢間燒味滷師我之前有光顧過，價錢合理，足料又好食，一向深得街坊支持，所以就叫老公特地去買。至尊燒鵝（上莊）燒鵝上莊肉厚油少，食落啖啖肉，好滿足，如果皮脆一點就更好啦。 老師傅燒腩仔燒腩仔肥瘦相間，比例剛好，口感鬆化軟腍，燒腩皮亦燒得香脆金黃，保持水準！客家鹽焗雞（半隻）第一次食燒味滷師嘅客家鹽焗雞，亦有驚喜！鹽焗雞外表澄黃油亮，肉質鮮香可口，食到淡淡鹹香。燒味佬叉燒之前買開都係半肥瘦，今次就比較瘦。不過叉燒肉質好腍又入味。