新沙洞澡堂 (Closed)

成日見到好多人去宜間韓國餐廳食，今次就到我地有機會黎喇。宜度好多打卡位，有個位設計到好似韓國既澡堂咁，仲有好多花灑頭。另一邊仲有個放左好多好多枝燒酒既燒酒牆，好特別呀，岩哂打卡。睇完餐牌我地覺得都係二人餐最抵食，448就好多野食啦。生菜包豬肉配自家製醬汁片片調好味既五花肉肥瘦平均，薄切好哂好方便食。有紫蘇葉，生菜可以夾住黎食，仲可以加埋甜辣醬，蒜頭片，泡菜或者辣椒更有風味，仲一d都唔油膩。雪花芝士炸雞炸雞份量都唔少，件件都去哂骨，大大件又熱辣辣。出面炸到金黃色，上面撒左好多芝士粉，咬落入面既肉好juicy又嫩滑。法式焦糖燉蛋窩夫新鮮製作，面頭係燉蛋，上面鋪滿焦糖燒到焦脆，燉蛋食落好滑溜，蛋味香濃。牛角窩夫好鬆脆，帶牛油香。新沙洞招牌炸物拼盤（另加）我地叫既係細份，都相當多野食，有燒年糕腸仔串，炸紫菜粉絲卷，芝士蕃薯條，炸餃子同炸蕃薯。炸得黎款款唔同味道同口感，最鐘意芝士蕃薯條，食落煙煙韌韌。炸韓國午餐肉條（另加）真係有個午餐肉罐裝住。口感紮實又香口，仲有個甜甜地既醬可以點黎食，脆皮炸到脆卜卜。雪嶽山成個富士山咁既造型，上層係奶泡，下層係乳酸汽水，淡淡既乳酸味，冇咩甜味。。。