潮滙館 (Closed)

今晚約左放工朋友黎到長沙灣潮匯館食飯，環境乾淨舒適，仲有電視睇，牆邊圖案比較古式，別具風味。服務都好好，好nice 。喜歡懷舊公雞餐具🍴鹵水鵝肉拼盤$148早已聽聞過餐廳鹵水鵝好出名，原本想叫一隻試下，但朋友話兩個人食唔晒，所以就叫拼盤比較多元化，鵝肉肉香、鹵水汁入味又唔會太咸，厚度切得岩岩好，唔會太厚同薄，食落有口感。鹹檸檬燉鴨湯（例窩）$108好大窩湯原本係四至六人份量，我同朋友每人飲左三四碗先飲得晒，用左檸檬令湯有一點點微酸，湯水開胃又滋潤，非常特別的想法。汕頭蠔仔洛$78蠔餅即叫即製，蠔仔份量充足，黃金色外層，食落香脆美味，配合上魚露層次更加昇華。椒絲腐乳炒通菜$58通菜份量十足，翠綠色非常養眼，配上腐乳增添味道，健康又好味。沙茶牛肉河$68勁多牛肉同白菜仔，配合上醬汁一流，撈埋河粉食就更加好，味道中和唔怕太濃，好味又飽肚，值得一試。兩個人食咁多野連埋茶位同加一服務費都係五百幾蚊，抵食！