Video
Read full review
2008-12-30
14 views
11月30日, 菲菲的BIG DAY~ (續篇)喺迪住肥玩完一日, 去到9點幾, 又攰又餓~ 出去銅鑼灣食拉麵, 上到去都係得2枱人, 侍應好招乎周到帶我地坐低~::: 長崎拉麵 ::: $72餐廳推介既長崎拉麵, 為蔬菜做主打, 有大量椰菜絲同芽菜, 啱晒我地咁攰既心情, 唔想有咁多肉落肚~ 肉類裏面有魚蛋絲同一d細細塊既豬肉, 少少肥有d似豬腩~ 另外仲加咗海鮮添~ 好似墨魚同蜆肉, 十分足料, 真係要2個人食先可以食晒~!! 不得不提既係個拉麵湯底, 表面睇黎好似係普通豬骨湯, 原來係用海鮮淆製而成既湯底, 好濃烈既海鮮味, 亦有好香既魚味! 可能太渴既關係, 我地差唔多飲晒個湯~ 成個拉麵做得好出色, 蔬菜同湯底味好夾~ 喺香港真係未試過咁出色既湯底, 滿分推介~!::: 日式燒餅 ::: $68好似同其他食過既有d唔同, 燒汁味道特別, 有別於一般燒汁既味道, 顏色亦偏淡~ 燒餅邊好脆, 脆到好似食緊pizza咁, 不過燶得滯喇, 失去咗應有既蛋味, 中心部位反而唔錯, 比起餅邊更能食到軟熟既質感~ 整體算合格…出色既長崎拉麵之外,亦有不足既地方~ 坐低既時候侍應擺低咗每人
喺迪住肥玩完一日, 去到9點幾, 又攰又餓~ 出去銅鑼灣食拉麵, 上到去都係得2枱人, 侍應好招乎周到帶我地坐低~
::: 長崎拉麵 ::: $72
餐廳推介既長崎拉麵, 為蔬菜做主打, 有大量椰菜絲同芽菜, 啱晒我地咁攰既心情, 唔想有咁多肉落肚~ 肉類裏面有魚蛋絲同一d細細塊既豬肉, 少少肥有d似豬腩~ 另外仲加咗海鮮添~ 好似墨魚同蜆肉, 十分足料, 真係要2個人食先可以食晒~!! 不得不提既係個拉麵湯底, 表面睇黎好似係普通豬骨湯, 原來係用海鮮淆製而成既湯底, 好濃烈既海鮮味, 亦有好香既魚味! 可能太渴既關係, 我地差唔多飲晒個湯~ 成個拉麵做得好出色, 蔬菜同湯底味好夾~ 喺香港真係未試過咁出色既湯底, 滿分推介~!
::: 日式燒餅 ::: $68
好似同其他食過既有d唔同, 燒汁味道特別, 有別於一般燒汁既味道, 顏色亦偏淡~ 燒餅邊好脆, 脆到好似食緊pizza咁, 不過燶得滯喇, 失去咗應有既蛋味, 中心部位反而唔錯, 比起餅邊更能食到軟熟既質感~ 整體算合格…
出色既長崎拉麵之外,亦有不足既地方~ 坐低既時候侍應擺低咗每人一碟前菜, 係d醃咗既蘿蔔絲之類, 食係幾好食, 不過到埋單先知要$10一碟… 有點貴吧, 又冇事先說明… 除此之外其他都好好, 食物, 環境, 服務都屬於上佳, 日本人侍應生每5分鐘幫我地加一次水都冇不悅之色, 值得表揚~
Post
