呢期佢哋做緊哆頭螺節🥰
今次都多咗好多新菜式😁
以前我就不嬲好鍾意食鐵板嘅
最近佢哋多咗蒸水蛋, 海鮮鍋都唔錯㗎👍🏻😎
💫沙茶海鮮鍋
呢個就係用沙茶醬做底，放滿新鮮嘅海鮮，好似蝦、貝類、丸類，一齊煮成一個熱騰嘅火鍋，味道香濃好正。
💫花蛤蒸水蛋
用花蛤擠喺滑溜嘅水蛋上面，蒸熟之後，花蛤嘅鮮味滲入水蛋入面，細膩又鮮美。
💫黃金荷葉包
呢個係我近來都幾鍾意食嘅一道菜，佢有個包，個包就有啲似係炸饅頭嗰種口感。然後將個包解介開一半，中間就放一堆肉絲+ 洋蔥，配料都炒到好香口，所以夾埋落個包一齊食，超級好食👍🏻
💫馬來風光
用沙巴醬去炒通菜，味道少少香辣，好惹味。
💫蒜蓉蒸哆頭蟶
呢個就係用大量蒜蓉，配上哆頭蟶（即係我哋成日叫嘅蟶子），蒸一蒸 味道濃郁又夠鮮甜。
