小炒皇 (Closed)

因搭上搭既關係,今晚可以免費到來一試呢間小炒皇先在此謝過安排的攪手打頭陣既係一碟小炒皇,炒得夠鑊氣,蝦米唔會太硬之餘,鹹香亦帶起其他食材既食味作為開胃頭盤,合格有餘冰鎮花竹蝦,煮熟後再以冰鎮,蝦肉十分鮮甜,中間的芥蘭也爽脆另一味冰鎮既象拔蚌仔同墨魚,可能因為鴨脷洲食海鮮都出名,所以兩者質素都十分好,鮮甜彈牙炭燒乳豬,豬隻本身不會太肥,也隱約食到炭燒同花椒八角等香味,食味不錯好此道者可一試朋友講呢度係大中華飯店班底,所以叫左鐵板黑椒豬手一試.豬手上枱時香氣足,豬手也炆得夠嫰滑,黑椒汁開胃之餘亦可以抵消滯漏感酥炸生蠔,生蠔肥美之外,脆漿做得不錯,不會太厚或太薄,好吃最後既辣炒雞軟骨,可能廚師見有在坐朋友嗜辣,所以追加試下結果真係炒得夠香夠辣,送啤酒一流呢度如果純睇門面同裝修,可能會覺得比同一條街既餐廳貴,但睇過餐牌,先知其實都係街坊價