豫園 (Moved) New Location

平日唔多走上商業大廈樓上店食飯，今晚經過突然有肚餓，又想食得好，於是決定去豫園食上海菜，整體環境唔錯，食物夠鑊氣。因為肚餓餐前小食的化身我都唔放過，花生唔濕，愛不釋手，成碟清晒。四喜烤麩味道適中，微帶甜帶出胃口，烤麩 軟，吸汁，笋爽配搭醒胃，集軟爽於一身。時令的龍鬚鮮魚絲鑊氣夠，魚肉滑，跟芽菜夾。叉子雞米水準之上，燒餅香脆，見樣知鬆脆，最好食的食法就是將燒餅填滿無空位，大口咬落，食到有有五六種東西爆炸感，正極！第一感到餅鬆香，第二有雞米、松子的充實，雞米有鑊氣。