棟記飯店

今次我嚟到上環街市，決定試下棟記呢間大排檔。呢間店的價錢真係好親民，而且係樣樣大碟😎最緊要係，佢哋每樣嘢都好有鑊氣😎

我首先試咗佢哋嘅蝦醬炒通菜，勁大碟，蝦醬嘅香味搭配通菜，真係令我食到停唔落口，菜脆口又有咸香味，咬落去真係好滿足😋

梅菜蒸肉餅，肉餅嘅質感滑嫩，梅菜嘅香氣恰到好處，佢嘅梅菜係甜甜地，送飯一流！

當然最唔可以錯過嘅就係我最鍾意嘅豉汁蒸鱔啦！鱔蒸得剛好，肉質鮮嫩，豉汁嘅味道淋上去，而且係爽鱔😆

總括來講，棟記呢間大排檔真係值得一試，無論係味道定價錢，都令我感到非常滿意👍如果你嚟上環，記得一定要過嚟試下！🎉