近年都會多見好多日本餐廳都以隱蔽性的設計作為餐廳門面 (即從外邊你是不會看到餐廳入面), 這樣的好處是增加食客的私隱度, 有種和室的感覺。與此同時, 亦會發現此類餐廳一般不講求客的流量, 而是講求食物帶給客人的感覺, 以質素行先。
樂Teppanyaki就有呢種感覺給我。
小妹一直都被此家的【十八層海膽杯】所吸引, 所以帶埋老公一齊食這家以「鐵板燒omakase」為主的餐廳, 由老闆親自主理發板。食鐵板燒當然要坐係bar枱食, 望住師傅利巧的手勢, 翻炒火燒新鮮食材, 再聽下師傅介紹食材的來源同煮法, 是一種享受。
小妹同老公分別點了2客【1人前】餐 : 【1人前 – 火焰海膽甲羅燒】及 【1人前 – 十八層海膽杯】。
最想為大家推介 【1人前 – 十八層海膽杯】, 但當然【1人前 – 火焰海膽甲羅燒】都非常好食, 老公話佢要開金筆讚一讚此家店, 有興趣可以睇下:
【1人前 – 十八層海膽杯】:
小砵:時令前菜 (生蠔)
沙津:時令沙津
主打菜式:十八層海膽杯
海鮮: 活龍蝦(需另+150元)、日本蝦夷鮑魚、鐵板鰻魚燒
肉類: A5威士忌和牛厚燒西冷(岩手縣)
食事: 黑松露椰菜花煎蛋炒日本米飯、燒野菜
吸物: 特色紙包花膠半肚菌蜆湯
甘味: 時令甜品
一入座, 店員已為我們送上【花旗參柑桔茶】。
【小砵:時令前菜 (生蠔)】【沙津:時令沙津】
生蠔一向都是我的最愛, 作為前菜是非常合適, 此生蠔肥美、滑溜且甜, 新鮮沒有沙,正!
然後來一小碗蟹肉沙律,就開始主打食物, 非常期待!
【主打菜式:十八層海膽杯】
如果中意食海膽的朋友, 一定要試這海膽杯, 除了顏色搶眼, 勁適合瘋狂打卡外, 亦有玩味。
所謂十八層, 是因為此杯用了不同食材, 一層一層的疊出十八層, 增加入口後的層次感。
最底層是 鮮海帶碎, 然後每層分別加入了多款日本海鮮: 松葉蟹肉、三文魚子、粒貝、吞拿魚拖羅蓉、花膠、凍璣煮鮑魚、 海膽魷魚、牡丹蝦、明太子沙津、帆立貝, 中間亦會不時加入主打【北海道紫海膽】, 到頂層有沖繩海葡萄、北海道紫海膽, 黑魚子及燒白飯魚脆片。
師傅教落:先用燒白飯魚脆片沾上沖繩海葡萄、北海道紫海膽, 黑魚子, 享受第一浸的味道, 然後再將整杯食物倒入碗中, 攪拌食用, 使每一口都有海膽濃滑鮮甜的質感, 且帶有咬口。非常好食!! 對於海膽愛好者, 更不想停。
【海鮮: 活龍蝦(需另+150元)、日本蝦夷鮑魚、鐵板鰻魚燒】
接著是海鮮:
小妹選擇加150元將北寄貝轉為【原隻活龍蝦】。師傅手起刀落就著龍蝦切頭, 起用, 而且做出一份龍蝦2種食法, 但感覺是2隻龍蝦的份量!
-海膽芝士鐵板燒龍蝦
龍蝦先沾上滿滿的海膽蝦膏醬, 再加上芝士海膽, 用火搶燒至表面脆內軟, 𣊬間龍蝦已被芝士包圍, 每一口除了有香濃的芝士味, 都帶其本身的蝦膏海膽味, 但仍不會搶了龍蝦本身的鮮, 爽口味道。而且, 食完亦不覺得膩。心心眼!
-海膽牛油蝦膏燒龍蝦
另一種只用海膽牛油及蝦膏燒炒龍蝦, 但龍蝦出奇地超鮮甜, 完全是兩種不同的體驗。YUMMY!
【日本蝦夷鮑魚】
這個不得不給個讚, 除了食材新鮮, 選用來自日本蝦夷鮑魚外, 師傅拿捏燒炒的時間也是非常重要, 需要相當精準的使不至於過熟變橡皮, 或過生不能食。
望住師傅一邊燒切鮑魚, 同時一邊準備醬汁, 一邊準備下一道燒鰻魚, 非常精彩。
切片的鮑魚容易入口, 嫩滑之餘, 經過燒後帶有少少焦香味, 亦有海鮮本物的鮮甜味, 再沾上酸甜的西檸鮑魚汁, 本身對鮑魚不太好的我, 都要讚好食!
【鐵板鰻魚燒】
這個也是小妹食過最好食的燒鰻魚! 以往食過的燒鰻魚, 多數只是皮少少脆, 肉質非常軟的。但這個的鰻魚, 其皮的爽脆度可以用似「燒豬」的脆皮來形容, 咬落去是非常脆口, 魚肉亦不會過軟, 醬汁亦不會太甜, 非常有趣好食!
食完以上都非常飽肚滿足, 不敢想像之後還有什麼驚喜。
【肉類: A5威士忌和牛厚燒西冷(岩手縣)】
師傅說這牛是飲威士忌大的。和牛本身因油花多, 容易膩, 所以放在多士上一同食, 可以減少膩口感。
A5威士忌和牛厚燒西冷- 牛味濃, 油花香, 入口即溶, 且有少少清酒香味, 真係想一食再食。係食完海鮮後, 再食肉類, 有一種平衡感, 好正!
【食事: 黑松露椰菜花煎蛋炒日本米飯、燒野菜】
到此刻, 小妹的肚已經要爆了, 但都引不住要試剩下的幾道。
-黑松露椰菜花煎蛋炒日本米飯
師傅選用了日本米, 加入椰菜花碎, 除了可帶出米飯的口感, 主要是可減少過多澱粉質的吸收, 更加健康!
米飯炒香再加入黑松露炒, 再加上一隻日本煎蛋, 好好味!
【吸物: 特色紙包花膠半肚菌蜆湯】
要特別推薦這個紙包湯, 超鮮超清甜, 有別於普遍的日本餐廳的昆布湯大多都非常咸, 飲完都要飲幾杯水漱口, 這個花膠半肚菌蜆湯, 有海鮮的鮮甜味, 再有少少海帶昆布味, 湯料十足, 食完整頓飯, 再飲這個湯, 非常舒服!
整頓飯都令人非常滿意同滿足, 2個【1人前】餐都好食好有質素, 到此刻都依然回味想著何時再食一次!
最緊要是一點也不貴, 當晚小妹我們去到晚市有8折, 午市更平宜, 2個人才2000元左右, 還要抱住個肚走!!!
必返兜之選。
