Video
Read full review
2015-06-01
140 views
減磅減磅！由朝到晚只係飲左支豆漿、大大碗蕃茄豆腐魚湯乍，操完拳好肚餓呀！太肚餓食左先講，減磅都唔理喇，最多聽日操返多啲。衝去最近既大代開餐啦，差不多 21:40 先到步，間間舖都收緊檔喇，好采曉廚仲有野食啫。一個人食一盅飯、一碟菜再加四個點心唔係好過份啫，唔食飽邊有氣力減肥呀！哈哈。金蒜蒸排骨飯，新野喎！豉椒蒸排骨飯就食得多，梗係要試啦。嘩！大量金色蒜蓉勁香口呀，比我上次黎食既豉椒排骨飯更惹味，一啖接一啖停不了！加上啖啖肉既香甜排骨、清爽甜豉油，幾分鐘完全纖滅！即炒蒜蓉菜芯白菜仔，非常有鑊氣，熱辣辣上枱，並唔係一早炒定再夾出黎嗰啲油淋淋冷冰冰凍菜呀！好鮮甜爽口多汁，超嫩呀！滿分！高湯鮮竹卷，紫砂砵仔噃，好少見。外觀平平無奇，最緊要快，整條啪入口，濃郁肉汁係口內爆發！裡面熱騰騰架，餡料無我最討厭既芹菜，只有彈牙肉鬆，啱晒。滑溜腐皮索盡高湯、肉汁，堅正！美味到不得了，連食三大條，好幸福啊。豉汁蒸鳳爪，大路無咩特別，合格。客家煎魚餅，魚肉好有鮮味，只係塊蛋皮乾晒有點硬，都放左段時間，淋上甜豉油味道幾好。錦滷炸雲吞，突然間想食，但差不多收檔，都無咩點心可以揀喇，好采師傅話可以即刻炸比我，麻煩您
減磅減磅！由朝到晚只係飲左支豆漿、大大碗蕃茄豆腐魚湯乍，操完拳好肚餓呀！太肚餓食左先講，減磅都唔理喇，最多聽日操返多啲。衝去最近既大代開餐啦，差不多 21:40 先到步，間間舖都收緊檔喇，好采曉廚仲有野食啫。
一個人食一盅飯、一碟菜再加四個點心唔係好過份啫，唔食飽邊有氣力減肥呀！哈哈。
金蒜蒸排骨飯，新野喎！豉椒蒸排骨飯就食得多，梗係要試啦。嘩！大量金色蒜蓉勁香口呀，比我上次黎食既豉椒排骨飯更惹味，一啖接一啖停不了！加上啖啖肉既香甜排骨、清爽甜豉油，幾分鐘完全纖滅！
即炒蒜蓉菜芯白菜仔，非常有鑊氣，熱辣辣上枱，並唔係一早炒定再夾出黎嗰啲油淋淋冷冰冰凍菜呀！好鮮甜爽口多汁，超嫩呀！滿分！
高湯鮮竹卷，紫砂砵仔噃，好少見。外觀平平無奇，最緊要快，整條啪入口，濃郁肉汁係口內爆發！裡面熱騰騰架，餡料無我最討厭既芹菜，只有彈牙肉鬆，啱晒。滑溜腐皮索盡高湯、肉汁，堅正！美味到不得了，連食三大條，好幸福啊。
豉汁蒸鳳爪，大路無咩特別，合格。客家煎魚餅，魚肉好有鮮味，只係塊蛋皮乾晒有點硬，都放左段時間，淋上甜豉油味道幾好。
錦滷炸雲吞，突然間想食，但差不多收檔，都無咩點心可以揀喇，好采師傅話可以即刻炸比我，麻煩您呢！新鮮炸起熱辣辣，因為無攤過即上枱比我，所以有點油。皮非常脆卜卜，加上甜酸汁好醒胃，只係摺位太厚炸唔透好硬啊！雲吞好香口，好味道。
Post
