柳氏家 (Closed)

對韓國食物有一定喜歡，見到有韓式辣炒雞，決定吃個豐富午餐，午餐時間都坐無虛席，由於有小朋友，所以無揀最辣，揀咗個烤肉辣炒雞，小小辣，小朋友都入到口之餘，又有D辣嚟調下味，坐落計用餐100分鐘，任食，食完個雞之後仲可轉盤食韓燒，一次過滿足到兩種食欲。烤肉辣雞除雞外，仲有三款年糕同大量蔬菜配料，與辣雞配合得相得益彰，雞亦係無限任食，而且可以跟麵或飯，一定夠飽，當然，想食韓燒亦得，食物款式夠多元，有牛仔骨丶五花腩丶雞肉同牛肉，亦有海鮮坐鎮。五花百門，除肉類外，仲有沙律，蔬菜同雪糕無限任食，以＄128呢個價錢嚟講，絶對物超所值。辣炒雞係自己炒嫁～但在場店員會不時過嚟幫忙，唔洗怕自己會整唔熟~不過要小心燙傷