番茄師兄 (Closed)

次次等蘇媽蘇媽都經過呢間鋪好搶眼。個名又幾得意好記，叫蕃茄師兄，好明顯就係一間食專食蕃茄既鋪頭，岩哂我男朋友口味。今日就決定同埋個男朋友行完黃金就唔去搵蘇媽改去搵師兄。見到佢有好多選擇，我最鍾意食海鮮仲，所以就叫左個鮮氣逼人。我男朋友就鍾意食牛，叫左個犇犇有禮。叫完先發覺佢地d份量原來好大份，如果兩個女仔可以叫一個麵加小食share.鮮氣逼人$88有鮑魚，大蝦，麻辣墨魚滑再加左芝士$5。芝士係secret menu, 配芝士夾埋d面一齊食係好好味，必試！！犇犇有禮$78 有 牛坑腩，牛面頰。 你估唔到係呢d鋪頭都可以食到唔同既牛肉部位，仲要係有質素既。我男朋友就好滿意，一個面有齊哂最鍾意既兩樣野，同埋本身牛肉配蕃茄湯底係 絕配！！蕃茄湯底可以中和牛肉嘅油膩。仲嗌咗麻辣瑞士汁雞翼，蒜蓉炒生菜，蕃茄湯底五寶丸麻辣瑞士汁雞翼辣辣地甜甜地好開胃，仲要係慢煮嫁Wor，好味必嗌， 仲要唔貴，$28就已經有五隻喧大隻GE雞翼。蒜蓉炒生菜，菜夠新鮮，再加埋蒜蓉同蠍油，夠哂味，岩哂我地呢D要食高卡野，又要講健康GE人。蕃茄湯都係用招牌蕃茄湯，四寶丸$28有墨魚丸、豬肉丸、魚蛋、牛筋丸 ，全部都好彈牙，之