甘饕 (Closed)

• 甘饕燒鵝🦆•鏞記既燒鵝岀名好食就大家都知，佢既後人分家後都各自另起爐灶，其中一間就係係銅鑼灣既「甘饕」燒味專門店喇！今次黎試左佢個燒鵝二人餐同叉燒，二人餐既燒鵝唔多，係燒鵝髀嘅份量，但賣相吸引，鵝皮棕色帶紅，好有光澤，而且入口都算酥脆。鵝肉結實但唔會太韌，肉香脂香兼備，唔錯！另外佢地個叉燒都係招牌，有三款唔同部位，分別係用梅頭肉製成既大少叉燒、五花腩肉製成既肥燶叉燒，同瘦豬肉部分製成既蜜汁叉燒，每個部位都各有特色，肥美鬆化定肉味香濃既都有齊，總有一款岩口味😌