主打「泰西fusion」菜, 位於K11 Art Mall, 位置非常方便,裝修明亮闊落,環境唔錯, 食厭傳統傳,不妨約朋友試吓呢間
🍽️ 脆炸軟殼蟹米子卷 配牛油果醬 $78
軟殼蟹炸得香脆, 蟹肉結實, 加上煙靭既米紙卷, 食落有雙重口感, 再配上順滑嘅牛油果醬, 味道酸甜, 幾開胃.
🍽️ 泰鹹蛋黃金單骨雞翼 $78
一共有10件份量都唔少, 每件雞翼都被炒到起沙嘅鹹蛋黃醬包圍, 鹹香味十足, 雞翼非常脆口, 非常惹味
🍽️ 棕櫚糖炭燒三黃雞 $188/半隻
三黃雞入口充滿炭燒香, 雞皮帶少許焦香同油脂, 雞肉亦十分嫩滑, 肉質一啲都唔乾柴, 建議一定要蘸埋餐廳嘅泰式辣汁, 味道會更豐富更加好味
🍽️ 大蝦冬陰功海鮮燉飯 $158
冬陰功既酸辣香味完全匯入燉飯當中, 所以非常入味, 海鮮有魷魚、大蝦、青口等, 配料幾豐富,蝦肉亦結實唔霉, 燉飯辣勁十足, 鍾意食辣嘅朋友叫呢個啱晒.
🍽️ 阿閒泰奶綠 $48
