Video
Read full review
2018-02-27
45 views
平時就最鍾意打邊爐，行開紅磡南道見到一間新開嘅，就心思思約朋友嚟試吓！ 呢度裝修光猛，周圍都好闊落，乾淨企理，而且一啲味都冇！侍應姨姨同老闆都好友善！姨姨做嘢好快手，態度又好！我哋首先叫咗個海鮮鍋，有鮑魚、蜆、龍躉、蝦、蟹、象拔蚌，帶子、有前菜，蔬菜，仲有甜品，同任選配料五款先係每人$198，仲包埋粥底！真心抵！最難得嘅係每樣海鮮都非常新鮮！呢個價錢食到真係抵到爛！難怪爆哂場！另外佢地用既碗碟都幾靚，同一般酒樓好唔同，食都食得開心啲！而且仲超貼心有紙巾同濕紙巾，抵讚！我地另外仲叫左椒鹽骨腩、涼拌豆腐、涼拌土豆絲兩款冷盤都夠哂大碟，食完好開胃，價錢又平！不得不提呢個椒鹽骨腩真係超好食！佢係用龍躉腩嚟整嘅，又滑又惹味！粉唔厚，味道岩岩好又唔咸！即刻想送啤酒！淨係呢個餸都令我一定返轉頭！有我鍾意嘅薯粉呢個黑毛豬梅頭肉超香肉質又正！花膠又夠厚！魚皮餃同蝦餃都係好足料！平時最怕食到又厚又硬嘅魚皮餃皮，呢個保證你話正！ 而且細細粒唔怕食到太飽！食完一大輪，終於輪到南瓜芋頭粟米粥，用啱啱打邊爐濃縮晒嘅海鮮湯底煮出嚟，諗到都流口水！結果真係冇令我地失望！超級鮮味又綿！姨姨又會問吓我哋鍾意食稀啲定濃啲，
侍應姨姨同老闆都好友善！姨姨做嘢好快手，態度又好！
我哋首先叫咗個海鮮鍋，有鮑魚、蜆、龍躉、蝦、蟹、象拔蚌，帶子、有前菜，蔬菜，仲有甜品，同任選配料五款先係每人$198，仲包埋粥底！真心抵！
最難得嘅係每樣海鮮都非常新鮮！
呢個價錢食到真係抵到爛！難怪爆哂場！
另外佢地用既碗碟都幾靚，同一般酒樓好唔同，食都食得開心啲！而且仲超貼心有紙巾同濕紙巾，抵讚！
我地另外仲叫左椒鹽骨腩、涼拌豆腐、涼拌土豆絲
兩款冷盤都夠哂大碟，食完好開胃，價錢又平！
不得不提呢個椒鹽骨腩真係超好食！佢係用龍躉腩嚟整嘅，又滑又惹味！粉唔厚，味道岩岩好又唔咸！即刻想送啤酒！淨係呢個餸都令我一定返轉頭！
有我鍾意嘅薯粉
2 views
0 likes
0 comments
呢個黑毛豬梅頭肉超香肉質又正！花膠又夠厚！魚皮餃同蝦餃都係好足料！平時最怕食到又厚又硬嘅魚皮餃皮，呢個保證你話正！ 而且細細粒唔怕食到太飽！
食完一大輪，終於輪到南瓜芋頭粟米粥，用啱啱打邊爐濃縮晒嘅海鮮湯底煮出嚟，諗到都流口水！結果真係冇令我地失望！超級鮮味又綿！姨姨又會問吓我哋鍾意食稀啲定濃啲，南瓜芋頭鍾意壓溶定一粒粒，好貼心
見到呢度嘅食物質素咁高，忍唔住又叫埋雞煲嚟試下呀！
嚟到見佢有咁多芝士已經覺得不得了！一煮起香噴噴，個醬汁仲越滾越香濃，混合埋雞肉一齊食，真係好邪惡唔好睇小啲洋蔥，佢加埋呢個芝士汁一齊食係絕配！
食到咁上下老闆走埋嚟問下我哋啱唔啱食，大家傾下計！呢種人情味你話喺酒樓邊度會有！？而且價錢仲咁抵！打邊爐，粥底，雞煲，樣樣都掂，你話點會唔翻轉頭？
Post
