Ocio (積存街) (Closed)

今日下午經過見到呢間餐廳，未試過諗住入去試，入面好細冇乜位，即使兩點都仲要等位等左廿分鐘。入到去點餐後差不多廿分鐘後追單先知原來甩左單，電腦冇入過，咗再點啦，點咗兩個意粉，青醬蜆肉意粉同埋黑松露海鮮意粉。咁可惜地佢來左一碟黑松露蜆肉意粉，咁我地叫佢換返啦，應該係黑松露海鮮意粉。跟住佢來左一碟黑松露海鮮意粉啦，咁總叫岩左第一樣，跟手佢第二碟意粉來左係黑松露蜆肉意粉，兩碟意粉味道基本上係一樣，咁兩碟意粉都可以來錯兩次，都冇再食嘅意欲，所以叫佢cancel左第二碟。咁講返食物本身其實都唔係太好食，意粉醬汁既稀又多，有啲似湯麵多過醬汁意粉。但平心而論，海鮮嘅份量都幾多嘅。我地本身仲諗住叫個甜品窩夫食，但經過上面嘅經歷我地都冇叫，而呢間餐廳都應該都冇下次。