錦田餐廳菜館

Open Now

Now Closed

近日女兒忙完考試及溫習,今日見到她一早已經起床溫習,待溫習完畢後,便帶她出去抖抖氣,與家人相約到錦田一帶行吓,去完錦田鄉村俱樂部後,又去了水頭村,行完幾間廟宇及去埋"錦田樹屋"前拍照留念,晚上,驅車到錦田市中心搵食. 在錦田大馬路一帶,食肆都不算少,但...可以容納到我們11人坐埋一圍檯的,就只有三間,我們選擇了這間"錦田餐廳菜館",這是一間街坊小館,有點舊式,打開餐牌,每款小菜"大約"$45-$55之間,我們叫了8個小菜,10個飯,仲有送埋兩大窩例湯給我們~ 埋單$460幾元,沒加一及沒收茶芥,抵食,又好食,我都唔知收銀有冇計錯數??呢餐多謝我的大姐夫~下次嚟開錦田,一定會再來~