去到叫咗個「慢煮雞肉雞白湯拉麵」，由於窮又孤寒
所以無加$20轉餐，就咁單叫咗碗拉麵！落完單之後勁快3分鐘就有得食
碗麵一上枱，感覺略為空虛。首先餐牌張相入面嘅木耳絲完全消失咗！雖然我明白圖片只供參考，但個樣都差幾遠！然後到我最期待嘅溏心蛋，一咬，勁失望！
從未試過係拉麵舖食到 九成熟嘅溏心蛋！隻蛋係成碗麵嘅靈魂！唔講麵質同湯底，淨係咁嘅溏心蛋已經令碗麵唔合格！其次佢嘅湯底又淡又唔似雞湯。唔講我仲以為係磨菇湯！感覺勁似係罐頭湯加水咁，食完勁口渴！
結論就係：錢多又想環境清靜嘅可以入去試，唔係可以慳返！
