前家樂餐廳火鍋店 (Closed)

之前有聽過前家樂既，但覺得個名得噱頭，唔荒好食。今日俾男朋友拉左黎，不停話想試，咁諗住還下心願算數。一打開門，好老實講，有啲香。環境都係乾淨企理既。個雞煲Menu都幾細心幾抵讚，寫埋提醒我地走配菜，咁男朋友仔唔食莞茜可以圈返走莞茜。大部分火鍋料都可以叫半份，就算人少少都可以試比較多既火鍋料。我地叫左個麻辣雞煲(半隻)$138。本身想叫小辣，個呀姨叫我地唔好，話一定辣死我地，叫我地試下微辣先，唔夠可以加辣。咁我地見佢咁肯定，就叫微辣先。麻辣雞煲(半隻)$138 微辣雞煲一上，未開蓋都聞到香。終於有得食喇！一開，香到爆！隨之而黎既麻辣味，我地即刻夾黎食，一夾已經知咩事，平時食雞煲既雞，係雞骨或者雞碎，呢個夾出黎真係雞件，食落其實就唔太覺得辣既，但係無咁辣都有好既，雞既鮮味唔會蓋哂，個雞肉真係有本身既肉味，店員哥哥話係用三黃雞，我聽完其實唔知係咩雞，google check下先知原來好有來頭，係御用既雞種，難怪肉質好滑，唔會又鞋又淨係得個雞煲汁既味。我地等既時候聽到炒鑊聲，相信個雞係爆香左先落煲，所以食落特別惹味！食完啲雞，要麻煩呀姨幫我地加辣，佢落左辣湯同清湯。個湯底除左有辣油，本身既廢油