餐牌有小菜，游水海魚，廚師新派小菜，新派型格燒味，孖寶，湯羹魚翅，海鮮，都有套餐。
老爺子半肥不瘦蜜餞叉燒
先黎一客燒味。老爺子半肥不瘦蜜餞叉燒個名好長，好得意。一客9件叉燒，係暖既。叉燒半肥瘦，外皮少脆而入面非常腍，個汁都好啱味，蜜汁調得好。
龍蝦湯瑤柱燴海皇羮
龍蝦湯瑤柱燴海皇羮用左兩隻好靚嘅湯碗裝。材料有爽脆蝦肉，瑤柱，菇菌，紅蘿蔔，豆角，蛋白等等。味道好清，口感好好，都幾健康。
香芒貴妃大蝦球
香芒貴妃大蝦球一客4大隻，整得又爽又脆啖啖肉，個汁滿滿芒果同黃色芥末醬，甜甜地好好食，上面加上花生碎增添口感，下底墊有沙律菜。呢道菜式又開胃又好味。
生煎家鄉蓮藕餅
生煎家鄉蓮藕餅 一客4件，煎得好香口，食落啖啖都有爽口蓮藕，味道唔錯，食清光都唔算太油。下底墊有菜苗減膩。
日本紫芯蕃薯浸豆苗
呢款菜式好新潮，好少中菜會用日本紫芯蕃薯入菜。豆苗非常嫩綠，紫薯好多粒，味道微甜，仲有少少酒味，估唔到味道都夾到。
海帶綠豆沙
食完仲有糖水送，係海帶綠豆沙，綠豆煲到爛哂，完全唔甜。
呢餐4餸一湯，兩個人都食飽飽。平日夜晚六點幾七點都好多人。聽聞呢度所有手作點心係現場即點即做，下次可以試試點心。
