鴨仔冰室 (Closed)

越嚟越多特色餐廳座落喺觀塘，今次就去左食傳統扒房The Ugly Duckling，因為已經好耐未鋸過扒，order咗set dinner西冷牛扒炸蝦配薯蓉。醬汁揀咗黑椒汁，個牛扒好厚身而且煎到表面一格格有曬紋路，同埋鎖得住牛扒嘅肉汁所以好正，食牛扒配埋黑椒汁簡直係絕配。吉列蝦就炸得啱啱好，金黃色好香脆可口， 薯蓉就打得好眠入口 融化，睇得出廚師好有心機。另外叫咗個雜扒鐵板餐，有豬扒、雞扒、火腿、香腸、薯條、煙肉配埋洋蔥汁，食肉獸嘅我哋嚟講絕對啱曬。其實前菜沙律同餐湯同樣好好味，沙律就夠新鮮，餐湯就令人好開胃。最後飲品點咗冰室傳統飲品黑牛同埋菠蘿冰，黑牛令我童年回憶返曬嚟，菠蘿冰就酸酸甜甜，菠蘿好爽好正，下次嚟 一定會試埋什果冰同埋其他鐵板餐。