暖色系裝潢，淡黃燈光，簡單手寫掛牆餐單，好有一種特色打卡約會氣氛！
每枱先會送上一份餐包，好似簡單小食，但已經看到餐廳質素！兩種麵包質感鬆脆爽口，再配上新鮮牛油，唔係一般盒裝合成牛油，再可配搭黑醋、橄欖油食法，已經打左好高印象分。
煙燻法國BB鱔沙津
煙燻BB鱔口感好似市面上食到煙三文魚，但用BB鱔既口感更加嫩滑細緻，再配合新鮮生菜、蕃茄水果等，清新開胃好Fresh感！
法國黃油雞雞胸
以黃油雞胸作主食，唔會好似一般雞胸咁乾身，但我比較在意係即製薯蓉，一食落去就知新鮮薯仔整，有質感重奶味，完全唔係市面開粉薯蓉既感覺！
紐西蘭蜆意粉
正宗意大利粉以香濃橄欖油香及麵條乾身爽口為主，呢間唔錯之餘，仲可以帶出蜆肉味道。
餐飲推薦咖啡，話說呢間既餐廳以意大利入口咖啡豆即磨，特別香滑濃郁，的確咖啡香味比一般更加出眾！
食材食物細微至麵包、咖啡豆都非常用心，而且一般暖碟、重身厚碟等細微位等等都非常用心，質量更勝！
