麥當勞 (Closed)

打完ball當然要補充體力，見bal友們個個都食麥記，於是我都放到任一下。上次試完鋒味安格斯煎蛋肉醬包，感覺吾錯，味道似食肉醬意粉。見今期有另一鋒味包 － 洋蔥吉列豬扒包，當然要試下。個盒好似上次一樣，黑底白字，走型格風。打開一望，洋蔥份量好多，有炒既有炸既，仲有塊白芝士，材料認真豐富。吉列豬扒有薄薄一層炸皮，真係有d日式吉列既感覺，加埋甜甜既醬，味道好有層次感。整體黎講，呢個包較鋒味安格斯煎蛋肉醬包好食。避風塘炒蟹味薯條有好大陣胡椒味，不過一d都吾辣，好似吾夠正宗。