Video
Read full review
2015-11-18
449 views
香港的韓式餐廳愈開愈多，連韓式甜品店都開始普及化了，初時對呢類雪花冰都不大興趣，感覺不就係台式個種雪花冰？後來食過之後發覺味道比想像中好，口感同雪花冰都幾唔同，所以偶然都會去食個冰止止甜品癮。.之前Nun係元朗新開張個時都已經試過佢地既雪花冰同烤棉花糖多士，門外更放有賣相精美的甜品樣子讓客人參考看看。個時印象中兩款味道都是不錯的，還對那份多士念念不忘，唯一缺點係店子環境較狹窄，一多人的時候會坐到背貼背，還滿辛苦的。.今次揀左星期六下午三點幾黎到，無上次咁多人，坐得較為鬆動。店子以白色為主調，牆上貼了甜品的相片。.現在惠顧任何甜品，在FB或IG打卡更即送韓式香滑軟雪糕卷供下次使用。(惠顧滿$100可即時使用).餐牌上的甜品其實選擇眾多，較特別既有意大利粉雪糕，係將雪糕吱成一條條意粉形，賣相幾可亂真! 除此之外仲有多種口味的韓式雪奶、韓式雪糕芭菲、雪糕吐司、窩夫、鹹食和特飲等，如想再夢幻一點，韓式雪奶更可加$10係上面整返個藍色/粉紅色的大棉花糖，真係望到都開心!.鋒芒畢露芝士雪奶 $72見到芒果味的雪奶分別有兩個，相信係有冇加上芝士蛋糕的分別，所以要左有芝士的。(可另加$18轉為Big
香港的韓式餐廳愈開愈多，連韓式甜品店都開始普及化了，初時對呢類雪花冰都不大興趣，感覺不就係台式個種雪花冰？後來食過之後發覺味道比想像中好，口感同雪花冰都幾唔同，所以偶然都會去食個冰止止甜品癮。.
之前Nun係元朗新開張個時都已經試過佢地既雪花冰同烤棉花糖多士，門外更放有賣相精美的甜品樣子讓客人參考看看。個時印象中兩款味道都是不錯的，還對那份多士念念不忘，唯一缺點係店子環境較狹窄，一多人的時候會坐到背貼背，還滿辛苦的。.
今次揀左星期六下午三點幾黎到，無上次咁多人，坐得較為鬆動。店子以白色為主調，牆上貼了甜品的相片。.
現在惠顧任何甜品，在FB或IG打卡更即送韓式香滑軟雪糕卷供下次使用。(惠顧滿$100可即時使用).
餐牌上的甜品其實選擇眾多，較特別既有意大利粉雪糕，係將雪糕吱成一條條意粉形，賣相幾可亂真! 除此之外仲有多種口味的韓式雪奶、韓式雪糕芭菲、雪糕吐司、窩夫、鹹食和特飲等，如想再夢幻一點，韓式雪奶更可加$10係上面整返個藍色/粉紅色的大棉花糖，真係望到都開心!.
鋒芒畢露芝士雪奶
$72
16 views
0 likes
0 comments
鋒芒畢露芝士雪奶 $72見到芒果味的雪奶分別有兩個，相信係有冇加上芝士蛋糕的分別，所以要左有芝士的。(可另加$18轉為Big Size)
用上白色印有店子名稱的瓷碗盛著，雪奶來到時沒有想像中高，最上層係芒果味雪糕和牛奶雪奶，外圍佈滿了大粒芒果肉、芝士蛋糕和杏仁片，望到都想食。
.
先食一啖雪奶，喜歡這邊的都刨到很細很細，口感絲絲、細滑如綿，不過今次的牛奶味略嫌唔夠濃，仲記得之前黎食係好濃的 (不過唔夠味可以加點隨上的練奶調味)，所以有點失望。幸好芒果味雪糕的果味頗重，不易溶，而且芒果肉都夠清甜，面頭的幾塊芝士蛋糕食落都重芝士味，叫做挽回不少分數。.
韓式棉花糖雪糕吐司
$48
30 views
1 likes
0 comments
係一塊厚多士上面放上九粒燒烤用的白色大棉花糖，再烘至棉花糖的面層略帶微微金黃色，再在上面吱上少許朱古力漿和杏仁片。
.
經烘過後的棉花糖溶化後會帶拉絲效果，一咬落去黏到滿咀都是，狀甚狼狽，建議甜品一上檯時立即將它切成一件件小小的方便享用。多士烘得頗酥香，配埋半溶的棉花糖一齊食係意想不到的滋味，那球雲呢拿雪糕，味道是很濃郁的，但就頓時變為配角了。.
韓式鮮士多啤梨奶
$42
25 views
1 likes
0 comments
相信係以新鮮士多啤梨打成，質感打得細滑，入口味道天然，帶點微酸和陣陣果香，如果甜度可在稍調低一點便更好。
.
炸雞粒
$52
15 views
3 likes
0 comments
食得多甜食，就會想叫返知鹹食平衡一下味蕾，所以叫左呢份炸雞粒。炸雞粒份量都幾大，不過竟然唔係配甜辣醬係配燒汁，不過食落都幾香口惹味，唔會炸到乾爭爭。
Post
