下午茶時間去荃灣路徳圍覓食，摃左入呢間好多人嘅車仔麵店。
.
店舖有提供下午茶餐，有唔同嘅車仔麵配搭。不過天時暑熱，我哋就決定帶啲小食同嘢飲解一解暑。
.
台式炸豆腐
豆腐係即叫即炸嘅，配上店家自家製特色嘅豆腐醬，甜甜鹹鹹嘅，同炸豆腐嘅味道非常之夾！一啖炸豆腐一啖珍珠奶茶，成件事好match 👍🏻
.
陽江豬腸碌
全店好多人嗌呢碟，似係招牌菜。
聽落以為係豬嘅內臟，點知豬腸碌原來係指腸粉。同一般腸粉不同之處係個餡: 裏面係炒咗嘅河粉，木耳同芽菜。🥰因為好多蔬菜，用店家自己調味嘅沙嗲，麻辣醬炒得好香，感覺非常之Fresh！木耳同芽菜係爽口嘅，連同Q彈嘅河粉包喺薄薄嘅腸粉皮入面，冇諗過食齋都可以食得咁有滋味。😋
