牛之鍋

Open Now

Now Closed

好耐都冇打邊爐，見疲情緩和，當然第一時間去烚吓烚吓。搵咗呢間火鍋放題店，除咗火鍋料任叫，仲有日本料理同甜品放題，食足2小時平日晚市每位$238。我哋二人行選擇咗一人一煲，咁就可以食到兩款唔同湯底。其中一款叫咗佢招牌嘅香檸藤椒金湯，酸酸哋幾開胃之餘，藤椒嘅麻香味都好出，食落麻而不辣。另一款就叫咗蟲草花松茸湯，清得黎鮮甜。先講日本料理放題果part，刺身、壽司、串燒、天婦羅、一品料理、沙律等應有盡有，而且款式都唔少。刺身好似帶子、赤貝、甜蝦等質素同一般放題店差唔多，不過不失。燒物方面推介燒菠蘿，鮮甜多汁。至於主打嘅火鍋料，肉類方面有美國草飼牛肉、紐西蘭羊肩肉、英國草飼牛舌等。牛肉新鮮腍嫩，油花分布平均。除咗肉類，海鮮選擇都算多，有廣島蠔、海蝦、大白蜆、鮑魚片、魷魚等。推介廣島蠔，入口嫩滑多汁，十分鮮甜。除此之外仲有各式丸類、餃類、蔬菜、粉麵可以食，都幾豐富。甜品方便非常豐富，最正嘅係宇治抹茶芭菲，賣相都拍得住日式甜品店。其他仲有好似楊枝甘露、仙草芋丸、芒果糯米飯等等，水準都唔錯。。。牛之鍋 (銅鑼灣)銅鑼灣堅拿道西10號冠景樓2樓A號舖。。