呢間專門食蠔既日式居酒屋真心超推介!!
在銅鑼灣既牡蠣小屋, 人氣超強,
一入門口就見到好多新鮮既海鮮食材~
另一邊又排滿晒日本酒,
令人食慾大增!
日式居酒屋風格好溫馨舒服,
仲有tatami區添!
今次我地點了人氣推介: 鐵盒燒生蠔 $240
鐵盒放入生蠔和清酒, 燒15分鐘,
一打開鐵蓋, 帶有清酒香味!
職員再即席開生蠔~~ 隻隻都好大隻好飽滿~~
我地有加點拉克萊特芝士 ($43) ,
拉絲感滿滿的芝士放到肥美的蠔上!
超 級 好 食 ! ! !
建議先吃芝士蠔, 不然芝士涼了就會失色!
明太子芝士玉子燒 $108
玉子燒好大一份, 蛋又香又滑,
配合明太子、芝士, 一切開仲有少少流心,
好好食!!
鹽燒吞拿魚鲛 $188
魚鲛位其實好多肉、油脂,
最岩就係鹽燒, 原汁原味, 爆香口感!
另外, 我地仲點了 牛舌 、 雞脾 、 雞蛋豬肉 串燒 ($38-$48)
牛舌、雞脾 好食, 正常發揮!
個人覺得 雞蛋豬肉 串燒最正,
佢係豬肉再包住流心蛋再去烤,
一啖有齊肉汁同蛋汁, 超yummy, 一試難忘!!
最後, 必不可少的暖笠笠日式釜飯!
北海道海膽釜飯 $380
由於係即叫即製, 需時大約30分鐘,
建議早一點下單~
釜飯內有好多配料, 如櫻花蝦、本菇等,
焗一焗, 再加入海膽、三文魚子及紫蘇葉,
攪拌再食, 真的大滿足!
今晚真係好滿意,
食物質素高, 環境舒服,
服務又好好, 會留意我地需要再適時換碟,
下次一定要再來~!!
