Manecy's Studio Restaurant (Closed)

好耐無食放題，今日特登約埋朋友落銅鑼灣食。平時多數都係食日式放題 今日就嚟試下呢間西式放題 餐廳係地鐵站附近，環境整潔，唔使等位，上菜又快，有自助野飲，自助小食同生果，生果新鮮，炸物都keep住脆既。有幾個唔錯既推介：忌廉芝士磨菇釀雞翼無骨，雞翼入面滿滿忌廉芝士，食落有驚喜。脆爆鹹豬手略嫌外皮有啲硬，但入面既肉質鮮嫩，配埋伴碟上既榨菜一齊食，咪道岩岩好。芝士卡邦尼意粉一碟份量唔多，但勝在放題任叫唔嬲，卡邦尼最怕食落好膩，但呢間整得唔錯，一啲都唔膩，我地嗌左幾轉。