Shift

Open Now

Now Closed

「Shift」餐廳真係好搶眼！門口設計簡潔得嚟又夠型，全白色嘅裝修帶出種現代時尚感，一望入去就覺得好開揚，空間感十足。地方夠大，坐得舒服，唔會逼逼狹狹，仲有酒吧區，燈光同擺設都好有格調，啱晒同朋友嚟chill下或者打卡！ 椒鹽茄子外皮炸到金黃脆身，椒鹽鹹香帶微辣，咬落去茄子肉仲好juicy！送酒一流，絕對係必嗌小食～。泰式通菜通菜裹咗層薄薄嘅炸漿，炸到金黃脆身，咬落去「索索聲」，外脆內嫩，菜莖依然保持爽脆！味道咸香，送酒一流。西班牙薯仔蛋餅蛋香濃郁，薯仔煮到軟腍又入味，切開仲有流心效果！簡單但好食到停唔到口。開心果脆皮威靈頓牛柳威靈頓牛柳變奏版，外層開心果脆皮超香口，入面牛柳medium rare超嫩滑，牛柳沾上蜜糖芥末醬，口感更豐富。開心果 Tiramisu 傳統tiramisu嘅變奏版！面頭灑滿開心果蓉，口感creamy，甜度剛好唔膩，濃濃的開心果味Classic Buttermilk Dirty 冰凍buttermilk撞濃縮咖啡，酸香同苦澀平衡得剛剛好～。Pistachio Buttermilk Dirty 飲落有濃郁果仁香，同咖啡出奇地夾。