爆爆鍋 (Closed)

天氣呢個禮拜尾開始轉涼，又係時候打邊爐喇. 今次介紹嘅係牛大人今年喺銅鑼灣新開的副線「爆爆鍋」，主打一人一鍋台式石頭火鍋，實在係冬日獨食之選. 午餐有多達12 款主餐， 提供素菜，豬，多款牛類（牛肩肉，牛小排，牛板鍵等），雞，連比較少見嘅烏雞都有得揀，價錢各有不同豐儉由人八十去到一百八十都有. 之後可以選取湯底，有七款可供選擇，最基本的爆炒石頭火鍋係不用加錢，其他特式湯底都係加12-20蚊，望落都好吸引，另外仲有五款小食可以追加，飲品都係加$7-14，除左可樂等軟飲料仲有幾款台式手搖飲品. 手機點餐之後就可以到自助區取醬料及蔬菜類，係任添㗎，十款蔬菜新鮮好味，啱曬愛好食蔬菜一族. 大路款有生菜，娃娃菜，金菇，粟米，冬瓜，冷門得嚟又養生有海帶同埋淮山. 好喇，主菜到，原來鍋如其名，真係即時有專人面前爆炒. 職員先爆香蔥蒜，跟住就會炒埋點左嘅肉. 今次叫左中價位$128 嘅#美國特級翼板肉 ，爆香後淋上清湯及醬汁，已經非常香噴噴同惹味. 翼板肉有十塊左右，厚度算適中，食落軟嫰程度剛好，油花豐富但整體均匀唔會肥. 跟餐除左蔬菜，仲有炸響鈴，芋頭，蕃茄，丸等等. 主食叫左寬粉. 份量就唔多，呢