一瀧 (Closed)

今日想推介呢間位於銅鑼灣既日本菜一瀧，餐廳裝修得好有日本風格，再加上兩位福岡師傅坐鎮，質素當然有保證💯🌟A4宮崎和牛壽喜燒 ($488)呢個係餐廳既招牌菜，A4和牛超大片 (大過我掌😨)雪花紋好靚，放係壽喜燒鍋輕輕一灼就食得，入口即溶，蘸上蛋液更加好食😋壽喜燒鍋內亦有其他配料，包括日本豆腐、芋絲、娃娃菜同雜菌，好豐富🌟吞拿魚蓉松葉蟹肉 ($198)一瀧亦有多款創意卷物，我地今晚就揀左呢款吞拿魚蓉松葉蟹肉卷，壽司包住滿滿既蟹肉，上面有吞拿魚蓉同三文魚籽，鮮味十足😍🌟磯燒活本蚌 ($198)呢個貝類係即叫即燒，上枱嗰陣聞到好香，蚌肉爽口彈牙又鮮甜，正😄🌟燒鱈魚棒 ($58)小食方面我就揀左日本菜必點既燒鱈魚棒，脆卜卜點沙律醬食，送酒一流💯🌟Bubble Iced Tea ($68)呢杯非常IGable既特飲，可以揀有酒精同無酒精既，我地聽日要返工所以就揀左後者😜店員會係你面前唧個波波 (記得快啲影相呀😎)，下面係甜甜地既蜜桃紅茶，好好飲🤟🏻🤟🏻🤟🏻