一上到樓，已經感受到餐廳既用心，一陣陣韓風吹埋o黎，好似置身首爾既小酒館咁，我就最鍾意餐廳個白雲燈！
上o黎之前睇過menu見到餐廳有兩個造型好可愛既海鮮燴飯，本來想一試，點知，今日暫時供應，真係好可惜。原來餐廳今日做緊春季限定既鰻魚飯，造型成個雪山咁得意，不過朋友唔鍾意食鰻魚，所以我地放棄左。
最後我地叫左泡菜雞肉薄餅同香煎帶子炸醬蔥油拌麵！泡菜加上pizza真係第一次，但係個感覺出奇地幾夾，而且上面滿滿既芝士好好味，令人想一塊接一塊咁食！泡菜亦為pizza添加左一個少少脆口既口感，重括o黎講係一個好新既嘗試！
帶子炸醬蔥油拌麵係中式既蔥油抄麵加上韓式炸醬，甜甜地帶蔥油香味，好好味！帶子新鮮，煎到外脆內軟!
