尚座 (Closed)

今日行經銅鑼灣，朋友介紹去新寧街尚座飲茶，入到去整體感覺華麗又優雅，環境闊落開揚，座位寬敞舒適。坐低叫左幾款食茶必食點心，荀尖鮮蝦餃，松茸滑燒賣，上湯牛肉球，蒜香蝦春卷，黑魚子帶子餃，豉汁蒸排骨....荀尖鮮蝦餃   蝦餃皮薄餡靚，蝦肉餡料鮮甜彈牙，而且相當大粒，鮮味十足。松茸滑燒賣 松茸味道鮮美，口中帶有一股淡淡的松茸香, 豬肉鮮味彈牙。蒜香蝦春卷 蝦肉嫩滑, 外皮香脆, 一嫩一脆，互相配合，香氣四溢。上湯牛肉球 牛肉球鮮味彈牙，肉質纖維完全保留。黑魚子帶子餃 新鮮黑魚子，配搭晶瑩剔透的外皮，帶子口感層次豐富，味道香濃。豉汁蒸排骨 排骨肥瘦適中有咬口，有肉汁兼又滑又腍。椰青石斛燉鮮螺頭湯 餐廳推薦食完點心可以跟手飲椰青石斛燉鮮螺頭湯，椰青同石斛兩者都超級香濃！材料亦相當豐富份量亦都好充足，加上椰青嘅清甜，夏天整一碗真係唔怕中暑。