本命鐵板燒

Open Now

Now Closed

之前同男友去左呢間喺銅鑼灣好高質嘅鐵板燒餐廳。我地揀左「本」套餐，包括11道菜，每位只需$588，超抵食。每一道菜式擺盤都好靚好精緻，而食物嘅質素亦非常好，唔會只得個樣，好好味！我最鍾意海鮮菜式，尤其係甘鯛，佢用「立鱗燒」嘅方法煮，最後淋上甘筍魚湯汁，魚皮好脆，好似薯片咁，但魚肉又保持到多汁又軟嫩。牛肉有兩款做法，一款係厚切，一款係薄燒。我最鍾意厚切SRF牛肉，配埋蒜蓉脆片，口感好豐富，淡淡蒜味令牛味更突出。薄燒安格斯牛肉則包住蔥花同洋蔥碎，風味不同但亦好食。非常推薦俾鍾意睇+食鐵板燒嘅朋友。喺度食飯唔止好味，娛樂性亦好豐富🫶