Video
Read full review
2023-02-10
712 views
一直都想試呢間人氣泰菜Milu Thai，今次終於約到朋友黎朝聖🤭 聽講菜式係由泰藉師傅出品，保證食到正宗泰國風味~ 最鍾意佢食物夠大份，賣相吸睛，定價親民，menu選擇又多，好岩同一班朋友黎開心share！Milu Thai menu以散叫為主，種類非常多，由沙律﹑泰式小食﹑肉類﹑海鮮﹑湯﹑蔬菜﹑甜品都應有盡有，每樣都好吸引😍 講到招牌菜，有火山排骨﹑火焰燒雞同咖哩三重奏， 今次我地淨係試左其中兩個都超好食，推薦必點🌟♢ 🦐柚子鮮蝦沙律 $98先黎一個沙律醒胃。鮮蝦肉質爽彈，果然新鮮！配上海量柚子肉﹑紫洋蔥﹑腰果，以泰式魚露調味，甜酸之中又帶有豐富口感。♢ 🌋火山排骨 $228雖然已經做好心理準備，見到咁巨型既火山排骨不禁嘩一聲❗️呢度有三大塊排骨，堆砌到好似小山丘咁，超級霸氣！排骨肉質嫩滑，炆得軟腍，周圍散有青辣椒、青檸汁同蒜頭，清爽之中帶有辣味，非常惹味！由於辣度無得揀，個人覺得辣度算係中辣，怕辣既朋友可以揀醬汁另上~ 餐廳仲好貼心咁提供手套，可以直接用手大快朵頤，好滋味！♢ 🥘咖哩三重奏 $218呢個都係餐廳招牌菜之一，可以食到泰式紅、黃、青咖哩，一次過滿足3個願望！每格都配左唔
Milu Thai menu以散叫為主，種類非常多，由沙律﹑泰式小食﹑肉類﹑海鮮﹑湯﹑蔬菜﹑甜品都應有盡有，每樣都好吸引😍 講到招牌菜，有火山排骨﹑火焰燒雞同咖哩三重奏， 今次我地淨係試左其中兩個都超好食，推薦必點🌟
♢ 🦐柚子鮮蝦沙律 $98
先黎一個沙律醒胃。鮮蝦肉質爽彈，果然新鮮！配上海量柚子肉﹑紫洋蔥﹑腰果，以泰式魚露調味，甜酸之中又帶有豐富口感。
♢ 🌋火山排骨 $228
雖然已經做好心理準備，見到咁巨型既火山排骨不禁嘩一聲❗️呢度有三大塊排骨，堆砌到好似小山丘咁，超級霸氣！排骨肉質嫩滑，炆得軟腍，周圍散有青辣椒、青檸汁同蒜頭，清爽之中帶有辣味，非常惹味！由於辣度無得揀，個人覺得辣度算係中辣，怕辣既朋友可以揀醬汁另上~ 餐廳仲好貼心咁提供手套，可以直接用手大快朵頤，好滋味！
♢ 🥘咖哩三重奏 $218
呢個都係餐廳招牌菜之一，可以食到泰式紅、黃、青咖哩，一次過滿足3個願望！每格都配左唔同海鮮，豐富又足料！紅咖哩配青口﹑大蝦﹑魷魚、西蘭花；黃咖哩配龍脷柳﹑帶子﹑薯仔；青咖哩配炸軟殼蟹。三款咖哩都夠香濃惹味，將蒜茸包粒點埋咖哩汁一齊食，超正！餐廳仲用左明火爐具送上，令d咖哩汁keep住熱辣辣，抵讚！
辣度排名︰青(少辣)﹑黃(甜辣)﹑紅(唔辣、椰汁味)
♢ 🥭芒果糯米飯 $88
食到咁飽都係留肚食個甜品~ 芒果香甜可口，份量有完整一個芒果咁多~ 糯米飯夠哂香，入口軟糯，配埋椰汁一齊食極正！
♢ 🧊龍眼冰 $36
好多粒龍眼乾，好足料~ 入口清甜，解膩一流。
♢ 🧋泰式奶茶 $36
紅茶味好出，奶味balance得幾好，整體感覺唔會太甜。
Post
