Video
Read full review
2023-07-25
877 views
「男人唔滾，女人唔緊!? 」是晚OT，同事居然話要約埋去滾🤣！一場誠意，無謂推卻，執袋二仔底雄跟一齊去見識吓。去滾，聽名已經夠晒gimmick，其實主打邊爐，裝修落過下功夫，四圍有霓虹燈招牌，帶懷舊感覺。座位都闊落，啱半打friend圍埋食餐飯，另外都有包廂，私穩度都幾高。➤原個椰子雞湯（半隻）一致通過想叫椰子湯，事關見到隔籬枱飄來陣陣嘅椰子香。待應會即場將雞同椰子水倒入邊爐入面，加埋本身嘅雞湯底，超級濃郁。未打邊爐之前已經想飲幾碗，好甜，真材實料。➤特級即日新鮮街市肥牛（細）➤特級即日新鮮牛頸脊（細）➤五花腩肉片➤新鮮牛舌芯➤爽口黑牛柏葉嗌咗唔同嘅肉類，選擇都幾多另外仲有海鮮，絕對滿足到唔同人。價錢唔算平，不過有返咁上下質素嘅，肥牛油花分佈平均，入口綿軟。牛頸脊肉味濃郁，比較有咬口但亦無咁肥。五花腩爽口，加少少醬油食就啱啱好。另外牛舌芯都唔錯，薄切，快灼幾秒就OK。➤ 8秒卜卜脆響鈴靚湯底嘅邊爐一定要嗌響鈴，可以吸晒湯底嘅精華！響鈴好薄身，一夾就脆到散晒，夾埋個湯底，加少少蒜片超級香。➤ 牛B子 手打牛丸 (（4粒）➤炙燒包心芝士丸(4隻）➤下面滑手打蝦滑➤嫩滑台妹 鴨血邊爐配料嚟講
去滾，聽名已經夠晒gimmick，其實主打邊爐，裝修落過下功夫，四圍有霓虹燈招牌，帶懷舊感覺。座位都闊落，啱半打friend圍埋食餐飯，另外都有包廂，私穩度都幾高。
➤原個椰子雞湯（半隻）
一致通過想叫椰子湯，事關見到隔籬枱飄來陣陣嘅椰子香。待應會即場將雞同椰子水倒入邊爐入面，加埋本身嘅雞湯底，超級濃郁。未打邊爐之前已經想飲幾碗，好甜，真材實料。
➤特級即日新鮮街市肥牛（細）
➤特級即日新鮮牛頸脊（細）
➤五花腩肉片
➤新鮮牛舌芯
➤爽口黑牛柏葉
嗌咗唔同嘅肉類，選擇都幾多另外仲有海鮮，絕對滿足到唔同人。價錢唔算平，不過有返咁上下質素嘅，肥牛油花分佈平均，入口綿軟。牛頸脊肉味濃郁，比較有咬口但亦無咁肥。
五花腩爽口，加少少醬油食就啱啱好。另外牛舌芯都唔錯，薄切，快灼幾秒就OK。
➤ 8秒卜卜脆響鈴
靚湯底嘅邊爐一定要嗌響鈴，可以吸晒湯底嘅精華！響鈴好薄身，一夾就脆到散晒，夾埋個湯底，加少少蒜片超級香。
➤ 牛B子 手打牛丸 (（4粒）
➤炙燒包心芝士丸(4隻）
➤下面滑手打蝦滑
➤嫩滑台妹 鴨血
邊爐配料嚟講，選擇就唔係超多，手打牛丸嘅牛味濃，唔係最爽牛彈牙嗰種，但又比手打嘅偏向肉汁豐富。
蝦滑入邊有少少蝦粒，口感有層次啲，又唔會太淋太似蝦餅。
➤菜苗餃
➤ 百花齊放蔬菜拼盤
嗌咗三款菜，強烈建議一定要嗌蔬菜。湯底唔肥，啲菜亦都唔會肥淋淋，所有菜都吸晒湯底精華。最鍾意係菠菜，其次係娃娃菜。值得讚嘅係佢蔬菜選擇到幾多，唔鍾意食菜仲有好多選擇。
小食
➤冰鎮鮑魚
➤金甲脆魚皮
鹹蛋黃魚皮非常足料，鹹蛋黃幾乎包住晒所有魚皮，上枱時熱辣辣，打邊爐前少少肚餓，但係人未齊，建議一定要食呢個，頂到下肚餓。
➤ 鮮果涼粉鍋
甜品揀咗食涼粉，個兜非常之咁得意，完全係打卡位。好耐冇食過生果涼粉，加埋西瓜芒果，呢啲煉奶或者淡奶，完全係童年嘅回憶。餐廳仲加咗少少紅豆，個人覺得就咁食已經夠。
總括嚟講，價錢唔算特別平，但係環境服務同埋食物質素，都值得呢個價錢，適合幾個friend 想食餐好啲，坐得舒服啲嘅moment 。
Post
