都係想食啲日本嘢，但係款式又夠多嘅
壽司、刺身、炸物、飯團、鍋物、鍋飯等等
呢度真係乜都有齊
餐廳見到好多客人係放工同同事或者朋友過嚟食飯
估計呢度係放工嘅聚腳地🤩
🔸煙肉薯仔沙律伴山葵忌廉最中餅 $38
🔸煙肉薯仔沙律伴玉葱醬油最中餅 $38
賣相好特別，有啲似日本手信咁，兩款都係用咗煙肉薯仔沙律再配咗明太子或玉葱醬油
薯蓉入邊有唔少嘅煙肉，咬落去會煙煙韌韌口感
明太子同玉葱醬油份量啱啱好
🔸新名物！吉列大蝦 $78
炸蝦都幾大隻，免治豬肉釀住大蝦拎去炸
食落就會有大蝦嘅爽彈，但係又會食到免治豬肉嗰種軟嫩，雙重口感
🔸鍋三文魚/三文魚籽飯（小）$158
製作需時半個鐘
店員會喺你面前製作
煲好飯再將三文魚同三文魚籽加入
熱辣辣即刻食，有三文魚鮮甜，加上三文魚籽爆漿口感
連飯焦都會𢳂埋俾你
🔸合鴨肉香味野菜配味噌 $128
呢款真係喺居酒屋好少見
鴨胸肉粉嫩，口感煙韌
個醬幾得意，有啲似片皮鴨個醬
🔸日本雞蛋豬肉卷 $42
吉列豬肉卷包住溏心蛋，隻蛋夠晒流心
配甜豉油，味道幾夾
🔸壽司拼盤 $138
壽司五件，全部都好新鮮
虎蝦、帆立貝、鰻魚等等
基本上全部都好啱食
🔸雞軟骨 $48
份量幾多，炸得啱啱好，配埋個沙律醬仲好食
🔸鐵板炸燒餃子 $78
個擺盤幾得意係鐵板上
份量都算多有成七隻
餃子煎得好香脆，鐵板上又keep到溫度
