打吡餐廳酒吧 (Closed)

放左工，同朋友去食深宵宵夜，又想啤一啤，去左銅鑼灣摩理臣山道80-82號地下的＂打吡餐廳酒吧＂。呢間餐廳酒吧1983年開架啦，仲大過我過😂，我好鐘意呢間餐廳的裝修，以紅磚牆及木製傢俱營造懷舊感覺，打卡一流！餐廳仲有多款環球菜式可以揀。我哋2個人叫左麻辣牛脷$98，脆皮德國鹹豬手$198和龍蝦汁海鮮意粉$128，當然唔少得啤酒🍻。麻辣牛脷夠麻又夠辣，牛脷好柔軟，非常刺激食慾，灑上芝蔴更加香！裏面有雲耳和清新的車厘茄。脆皮德國鹹豬手，外皮脆卜卜，非常香口，可以點茄醬和千島醬食，配菜仲有薯蓉，夾埋一齊食都好正！龍蝦汁海鮮意粉有蝦，魷魚和蜆肉，龍蝦汁有好濃的蝦味，配彈牙意粉一齊食，好好味！