Read full review
2024-08-02
216 views
之前行過門口見到嗰個噴水池就俾佢吸引咗,終於係最近有機會搵到朋友一齊試。咁啱坐近門口位,發覺真係個個都爭住同個噴水池影相。座位好闊落,傾計嘅時候都覺得好舒服,聚會又好慶生都好都好適合。‣ Set dinner $788· 24 Month Iberico Ham & Melon啲黑毛豬火腿確實真係好香,搭配蜜瓜真係好夾。而主要都係柚子汁做調味,整體嚟講都幾舒服,唔鍾意食火箭菜嘅人都願意食火箭菜。 · Mediterranean Blue Mussels青口嘅份量都幾多,而醬汁比較重蕃茄味,有脆多士做搭配,食嘅時候口感都幾豐富。· Lobster Bisque 朋友幾鍾意個龍蝦湯,覺得好濃郁,好重龍蝦味,我自己都覺得係幾香濃,但唔會太過死鹹。· French Brown Crab RisottoRisotto調味唔會好重手,比較輕盈啲,而佢都真係好多蟹肉,食落去嘅時候都真係啖啖肉,幾過癮。如果本身想嗌牛扒或者豬肋骨,咁樣嘅搭配都幾唔錯,叫做平衡下唔會太重口味。· Honey Mustard Spanish Port Ribs我自己個人最鍾意豬肋骨,燒得相當香口,聞落去已經勁吸引。而佢本身
‣ Set dinner $788
· 24 Month Iberico Ham & Melon
啲黑毛豬火腿確實真係好香,搭配蜜瓜真係好夾。而主要都係柚子汁做調味,整體嚟講都幾舒服,唔鍾意食火箭菜嘅人都願意食火箭菜。
· Mediterranean Blue Mussels
青口嘅份量都幾多,而醬汁比較重蕃茄味,有脆多士做搭配,食嘅時候口感都幾豐富。
· Lobster Bisque
朋友幾鍾意個龍蝦湯,覺得好濃郁,好重龍蝦味,我自己都覺得係幾香濃,但唔會太過死鹹。
· French Brown Crab Risotto
Risotto調味唔會好重手,比較輕盈啲,而佢都真係好多蟹肉,食落去嘅時候都真係啖啖肉,幾過癮。如果本身想嗌牛扒或者豬肋骨,咁樣嘅搭配都幾唔錯,叫做平衡下唔會太重口味。
· Honey Mustard Spanish Port Ribs
我自己個人最鍾意豬肋骨,燒得相當香口,聞落去已經勁吸引。而佢本身嘅醬汁都比較偏甜,係我鍾意嘅口味。除咗有蜜糖芥茉醬之外,佢仲有普通嘅芥末作為點綴,叫做平衡吓唔會令到佢過份甜,我自己個人幾滿意個豬肋骨。
· French Crepe
佢嘅法式班戟主要係搭配蘋果蓉,酸酸甜甜確實解膩係一流,都幾重肉桂味,我覺得作為結尾嘅甜品都幾唔錯,唔會話太膩去到食唔落。
Post