Video
Read full review
2022-06-06
151 views
大家對銅鑼灣嘅印象都係比較多Cafe或者高級嘅嘢食，銅鑼灣都有一間冰室食價錢比較貼地少少，份量好足都幾抵食嘅。午市套餐都係$50-$60包一杯嘢飲。🍴日式咖喱吉列豬扒蛋包飯 $62 (7.5/10)呢個吉列豬扒蛋包飯超級多人叫，賣相好吸引，份量都好足，吉列豬扒好香脆，炸得唔乾，咖喱比較濃味，滑蛋同飯嘅份量都好多，食完真係會好飽！🍴日式咖喱牛肉焗飯 $62 (7/10)焗飯上面有好多芝士😍佢哋嘅咖喱牛肉係用咗牛肉片，牛肉片都比較滑，咖喱係日式咖喱，比較偏濃味同埋鹹啲，個飯值得一讚嘅係有炒底㗎，幾香口。🍴芝士肉醬牛扒焗意粉 $68 (7/10)芝士肉醬意粉配牛扒真係好少見，牛扒仲有一大塊，肉質係比較偏有啲醃製嘅味道，但呢個價錢份量真係冇得輸。芝士肉醬意粉酸酸地，都幾開胃。🍴港式懷舊西多士 $28 (7/10)西多士即叫即炸真係好大份，特別嘅係西多士加咗檸檬皮入去，酸酸地都幾清新，檸檬皮同埋花生醬呢個配搭真係好新奇，炸得唔算乾身油膩。🍴炸雞脾 $35 (7/10)雞髀比想像中細隻，炸得好香口同比較乾身，但肉質竟然冇外皮咁乾，雞肉都唔算好乾，OK的！🍴紅豆奶茶 +$9 (7/10)紅豆奶茶真
🍴日式咖喱吉列豬扒蛋包飯 $62 (7.5/10)
呢個吉列豬扒蛋包飯超級多人叫，賣相好吸引，份量都好足，吉列豬扒好香脆，炸得唔乾，咖喱比較濃味，滑蛋同飯嘅份量都好多，食完真係會好飽！
🍴日式咖喱牛肉焗飯 $62 (7/10)
焗飯上面有好多芝士😍佢哋嘅咖喱牛肉係用咗牛肉片，牛肉片都比較滑，咖喱係日式咖喱，比較偏濃味同埋鹹啲，個飯值得一讚嘅係有炒底㗎，幾香口。
🍴芝士肉醬牛扒焗意粉 $68 (7/10)
芝士肉醬意粉配牛扒真係好少見，牛扒仲有一大塊，肉質係比較偏有啲醃製嘅味道，但呢個價錢份量真係冇得輸。芝士肉醬意粉酸酸地，都幾開胃。
🍴港式懷舊西多士 $28 (7/10)
西多士即叫即炸真係好大份，特別嘅係西多士加咗檸檬皮入去，酸酸地都幾清新，檸檬皮同埋花生醬呢個配搭真係好新奇，炸得唔算乾身油膩。
🍴炸雞脾 $35 (7/10)
雞髀比想像中細隻，炸得好香口同比較乾身，但肉質竟然冇外皮咁乾，雞肉都唔算好乾，OK的！
🍴紅豆奶茶 +$9 (7/10)
紅豆奶茶真係好大杯，超級多紅豆，紅豆煮得幾淋，奶茶都有茶味，不過整體偏甜。
🍴椰汁紅豆冰 +$9 (7/10)
紅豆冰真係好大杯，超級多紅豆，紅豆煮得幾淋，椰汁味都幾出，不過都係比較偏甜。
🍴檸檬柑桔 +$9 (7/10)
酸酸甜甜，開胃暖身。
推薦指數: 7/10
去到銅鑼灣諗唔到食咩都可以試吓港式冰室，份量夠大又飽肚，真心抵食。
Post
