爆爆鍋 (Closed)

有時Lunch 一條友想打下邊爐，去銅鑼灣廣場一期的「爆爆鍋」就岩晒啦。餐廳主打一人台式火鍋，一人一鍋。套餐可以選擇不同價錢的肉類，除左牛肉，亦有雞肉、豚肉、海鮮，價錢由$78-$178不等，湯底有7款選擇，有辣有唔辣，主食可以選擇白飯、新竹米粉、寬粉，另外有一份海鮮蔬菜籃，如果唔夠食，自助吧有多款蔬菜可以任食，仲可加配小食、火鍋配料和台式飲品。安格斯牛小排套餐爆炒櫻花蝦鮮鍋侍應會係你面前爆炒鍋底材料，一路炒一路已聞到勁香勁惹味，之後再加入湯底就可以打邊爐啦。安格斯牛小排脂肪紋路猶如大理石，脂肪均勻，肉質柔嫩香純。海鮮蔬菜籃，唔夠食都可以去自助區拎。夜市炸魷魚新鮮熱辣辣炸起，魷魚炸得非常香口，魷魚爽口彈牙。真心橙意翡翠橙味突出，入面有椰果，有咬口最後食完仲有甜品送。