-
題外話：佢性價比其實係低因為個刨冰好細，但以過江龍之名又有得打卡嘅話，我就覺得係可接受嘅👌🏻但問題係要排勁耐，再加上唔算好食🤦🏼♀️
-
🥭芒果糯米飯刨冰 $148
特別位係刨冰裡面竟然係會有泰國名物 - 芒果糯米飯😍但係‼️啲芒果同糯米飯係未完全解凍晒仲係好硬🤦🏼♀️都幸運地食到有幾啖解凍咗嘅糯米飯，配芒果味刨冰其實係幾唔錯嘅😌所以只要搞搞解凍依個問題就會變得好食好多💁🏻♀️
-
🧋泰式奶茶刨冰 $138
刨冰味道嚟講我鐘意依個泰式奶茶味多啲🤤同埋面頭個白色醬係比芒果嗰款light啲同冇咁鞋口💁🏻♀️但依個嘅敗筆係...店員話依款裡面係會有toast同啫喱，但所謂嘅toast原來只係冇烘過又冇任何加工嘅白麵包😅同刨冰係勁唔夾，真心好難食囉🤯而啫喱唔錯嘅，口感係煙韌嗰種👌🏻朋友問：個店主有冇自己試過白麵包配刨冰先攞嚟賣嫁？🙂
-
我哋總共排咗1個半鐘先有得入😞去食嗰時係三月，佢係有一半枱都out of order唔坐人，坐得嘅話有啲係中間加咗透明隔板可以坐四個人嘅枱，但店員都只會比一個party入，即係明明可以入四個人但我哋見到佢幾round都只係坐得兩個人，因為啲客9成9都係兩個人嚟💁🏻♀️其實唔洗完全fix死中間嗰排枱唔坐，如果四人枱淨係坐咗兩個人，咁另外咪入多兩個人係去坐out of order嗰邊囉🤔
-
裡面冷氣開好大係會吹住我哋個頭嗰種，但店員話冇得較因為係中央冷氣set好咗💁🏻♀️咁於是我哋問有冇熱水啦，店員話冇，只有凍嘅茶💁🏻♀️咁即係明焗人比錢叫熱茶飲啦...但刨冰係要快食而且明知出面咁多人仲排緊，都唔會想叫壺茶嚟慢慢飲啦🤨所以出面天氣明明成廿幾度勁熱，我又已經着晒褸，但成個身都係真心凍到震晒，仲要係食冰，搞到我哋都食得勁辛苦唔夠半個鐘即閃人🥲
-
彩蛋係最後一張相，係食淨左啲未解凍嘅糯米飯同埋白麵包🤗
btw見到有foodie話舖頭頭幾round上枱係要等耐啲，之後先會快啲💁🏻♀️我都好認同，排隊嗰時睇到裡面啲客係要等咗至少半個鐘先有得食，但去到我哋嗰時就10分鐘就已經有💁🏻♀️依家坐得一半客都要整咁耐嘅話，完全想像唔到如果回復full house係會需要排幾耐隊，然後入座之後又要再等多幾耐先有得食🤭
