Video
Read full review
2022-09-29
239 views
最近朋友同我慶祝生日，請食銅鑼灣【炭火地雞】串燒，食到嘔🤣總共差不多食左廿幾串日式串燒，由於太多款不能盡錄，簡單講下。食物主要分3類：雞肉全部位其他肉類蔬菜類【雞肉類】非常多唔同雞部位可以試到，包括雞心管、雞提燈、雞肝等等，當然雞腿、雞柳、雞翼都一應俱全！全部以鹽燒/照燒汁調製，好惹味！雖然平均都$30左右一串但感覺有佢價值同手工，性價比算高，可以接受，畢竟好多部位一隻雞只有一份。提燈最好食，好彈牙，個蛋黃好香好甜好好味！正~~~【其他肉類】有牛肉、豬肉、白鱔等等食材出現，全部試過味道都唔錯！牛肉類略嫌份量細、價錢貴，一串牛舌都要$58，絕對唔算平，但牛肉部份用上A4和牛，唔知牛舌係咪都係和牛呢？和牛真係好腍同甜，口感唔錯，好食，性價比OK。白鱔好腍好滑好彈牙，但HK$68蚊一串都真係唔平，點解D串燒好似份量好少咁。【蔬菜類】我非常唔建議朋友點蔬菜類，因為一定唔值。事實的確蔬菜類都非常細串，例如田樂茄子串，居然一串$32只有3小粒，其實真心有D嬲，HK$32比咁少份量我，就算假如你係用日本溫室茄子都未免太少啦，只可以講蔬菜類性價比都低。啤酒$48買一送一，可以同朋友啤啤佢！都Ok抵飲！
總共差不多食左廿幾串日式串燒，由於太多款不能盡錄，簡單講下。
食物主要分3類：
雞肉全部位
其他肉類
蔬菜類
【雞肉類】
非常多唔同雞部位可以試到，包括雞心管、雞提燈、雞肝等等，當然雞腿、雞柳、雞翼都一應俱全！全部以鹽燒/照燒汁調製，好惹味！
雖然平均都$30左右一串但感覺有佢價值同手工，性價比算高，可以接受，畢竟好多部位一隻雞只有一份。
提燈最好食，好彈牙，個蛋黃好香好甜好好味！正~~~
【其他肉類】
有牛肉、豬肉、白鱔等等食材出現，全部試過味道都唔錯！
牛肉類略嫌份量細、價錢貴，一串牛舌都要$58，絕對唔算平，但牛肉部份用上A4和牛，唔知牛舌係咪都係和牛呢？
和牛真係好腍同甜，口感唔錯，好食，性價比OK。
白鱔好腍好滑好彈牙，但HK$68蚊一串都真係唔平，點解D串燒好似份量好少咁。
【蔬菜類】
我非常唔建議朋友點蔬菜類，因為一定唔值。
事實的確蔬菜類都非常細串，例如田樂茄子串，居然一串$32只有3小粒，其實真心有D嬲，HK$32比咁少份量我，就算假如你係用日本溫室茄子都未免太少啦，只可以講蔬菜類性價比都低。
啤酒$48買一送一，可以同朋友啤啤佢！都Ok抵飲！
整體環境唔錯幾闊落，但限時1.5小時用餐時間，趕頭趕命交檯，呢餐我地食左$1000！
但最後要屎淋尿賴咁趕住食完走，如果想去慢慢食住串燒再飲啤酒，一邊傾偈一邊食野，諗都唔駛諗。
所以我建議攻略係，主力飲啤酒，只係叫少少串燒試下，少少地咁食就食得切，嘆住啤酒HAPPY HOUR，吹水食野，吹夠1.5小時走人，再去食下一場正餐，咁玩法會舒服好多。
Post
