鉄人旨花

Open Now

Now Closed

今晚朋友神神祕祕咁話要帶我食好嘢，原來係食鐵板燒。店內日式風格的設計好靚。餐廳分開兩部份，一邊係壽司吧枱，一邊係專食鐵板燒的。鐵板燒每張半圓檯坐3對客人左右, 圍著鐵板, 有師傅喺你面前製作料理, 十分精彩。今晚揀咗伊勢海老鉄板燒套餐。先食個手作前菜，半熟帶子伴三文魚籽。帶子肉厚，鮮甜。三文魚籽新鮮，有海洋的味道。芥末沙律，蔬菜新鮮配芥末沙律醬，味道清新。法國犬牙鱈魚鐵板燒師煎香鱈魚，然後分開皮同肉，魚皮燒到焦香、脆卜卜。魚肉滑嫩多汁，油香滿溢。海膽汁煮龍蝦 主角-龍蝦出場喇！鐵板燒師將活生生嘅龍蝦開邊，燒一燒，然後原塊起肉，混入海膽汁炒。記得唔好掛住傾計，要欣賞下鐵板燒師的表演。龍蝦和海膽的味道好香，啖啖滋味，不需要再加入任何調味。真係有得睇，又有得食。熊本縣產A5和王牛如雪花的脂肪配嫩紅的肉，一睇就知有幾美味。望著師傅用心煎香和牛。5成熟的和牛肥美無比，牛肉味濃。加少少岩鹽帶出牛肉的鮮味。伴碟的燒獨子蒜脆卜卜，味道濃烈。清酒煮蜆清甜的蜆湯，伴新鮮的獨子蒜片又辣又爽脆。和牛炒飯炒飯粒粒分明，味道恰到好處。柚子雪葩有驚喜！好重柚子味，清味美味。