不串不散 (Closed)

放工係銅鑼灣，見天氣開始有D凍凍地，就想食返D熱野，特別係串燒。喺無book位嘅情況下嚟到呢間"不串不散" ，嚟到見到好多人，所以唯行陣街等夜D再嚟過。落單後野食都好快送到。燒燒賣同燒茄子 - 見好多枱食客都有點，當然要點嚟試下。食落味道又真係幾好，唔怪得咁多人點。仲食咗其他好多款串燒，都燒得好夠味，入味得嚟個辣度校得幾適中，食落相當香口，而且食材新鮮又夠份量，忍唔住食咗好多串，都食得好飽下。另外海鮮份量都好豐富，當中嘅蠔同鮑魚，燒完之後又香，又夠味而且唔油膩，係我嘅至愛。依度嘅野食唔油膩又夠惹味，份量又夠多，相當唔錯！地方抽風設備唔錯，食完個身唔會好大陣油煙味，就算同成班朋友黎食都唔怕成身味啦！