真係唔會搵到呢間工廈地下嘅日本料理
只有一道簾作為logo⋯
7點半去到 已經全場爆滿 睇黎係好野來的
試下佢嘅刺生壽司先 三文魚壽司
厚切之餘夠晒肥美 勁靚嘅條紋
活赤貝壽司 爽口又鮮甜 而且好大隻
叉燒拉麵 份量大 麵條彈牙 叉燒肥瘦適中
呢個安格斯牛小排不得之了 勁好食
入口牛味香濃 望落少少肥 但入口完全唔覺
廚師烹調工夫一流 唔會太生或太熟
之係係餐廳嘅名菜 金龍卷 ！！
果然名不虛傳。長過張枱 有哇一聲嘅感覺
以龍蝦為主題 卷物中間係吉烈蝦
面頭配以魚籽 椰菜同千島醬 口感豐富
最後係火炙原條燒海鰻 有點圖文不符⋯
嘗試問女店員有冇黎錯食物
回覆卻說因為廚師幫我地一開二⋯
