一線之緣 (Closed)

屋企嘅金魚死曬， 又要出去返貨 ，買完行到攰， 要搵平嘢食幫補下個銀包 ，我哋見到一間新開嘅米線鋪， 都係貪新鮮入去試下 。小食叫左椒鹽雞軟骨， 來到完全驚喜， 估唔到咁大碟， 最重要味道又唔錯，鹹鹹辣辣， 超級惹味。主食 肉碎蠔仔泡飯 ， 肉碎蠔仔泡飯最重要就係肉碎同蠔仔，兩樣嘢嘅比例啱啱好， 肉碎唔會過多，最重要係肥瘦均勻，唔會食落去全部肥或者太鞋口， 口感一流 。第二魚腐米線清湯底， 好普通清湯湯底太過清， 好似好dry咁。 魚腐得三嚿咁大把， 感覺比較少。飲品 菠蘿梳打， 賣相贏曬， 唔會特別甜， 又係用鮮菠蘿， 冇得輸。